Urdu Sad Poetries

teray sheher teri soch say nikal jao.n ga,
kisi udaas shaam mein dhal jao.n ga,

tu jo mukar gaya hai her baat say apni,
dekh lena aik din mein bhi badal jao.n ga,

mat dikha mujh ko apna pasheman chehra,
jab ke tu jaanta hai mein pighal jaon ga,

chahay laakh tarpoo.n tere intizaar mein,
mat lot ke aanaa mein sambhal jaao.n ga,

tera hona itna zaroori to nahi hai Sahil,
Me to yaado.n ke khilonay se behel jao.n ga